ind vs wi T20: ఆ ముగ్గురు రికార్డులు తిరగరాస్తారా!

నేడు భారత్ vs వెస్టిండీస్ రెండో టీ20 మ్యాచ్. రాత్రి 7 గంటలకు ప్రారంభం కానున్న ఈ పోరులో అభిషేక్ శర్మ, సంజూ శాంసన్, కుల్దీప్ యాదవ్‌లను ఊరిస్తున్న రికార్డుల వివరాలు.

భారత్, వెస్టిండీస్ జట్ల మధ్య రెండో టీ20 సమరానికి సర్వం సిద్ధమైంది. తొలి మ్యాచ్‌లో అద్భుత ప్రదర్శనతో ఆకట్టుకున్న టీమిండియా, నేటి పోరులోనూ అదే దూకుడును కొనసాగించాలని భావిస్తోంది. రాత్రి 7 గంటల నుంచి ప్రారంభం కానున్న ఈ మ్యాచ్‌లో కేవలం విజయం మాత్రమే కాకుండా.. భారత యువ క్రికెటర్లను పలు అరుదైన రికార్డులు ఊరిస్తున్నాయి. ఈ మ్యాచ్‌లో భారత బ్యాటర్లు, బౌలర్లు వ్యక్తిగతంగా పలు కీలక మైలురాళ్లను చేరుకునే అవకాశం ఉంది.

అభిషేక్ శర్మకు అరుదైన అవకాశం:

ప్రస్తుతం సూపర్ ఫామ్‌లో ఉన్న విధ్వంసకర ఓపెనర్ అభిషేక్ శర్మ ఈ మ్యాచ్‌లో మరో 53 పరుగులు చేస్తే టీ20 అంతర్జాతీయ క్రికెట్‌లో అత్యంత వేగంగా 2000 పరుగులు పూర్తి చేసిన నాలుగో భారత బ్యాటర్‌గా చరిత్ర సృష్టిస్తాడు. పవర్‌ప్లేలోనే ప్రత్యర్థి బౌలర్లపై విరుచుకుపడే అభిషేక్ ఈ మ్యాచ్‌లో ఎలా రాణిస్తాడన్నది ఆసక్తికరంగా మారింది.సంజూ సామ్సన్ సెంచరీ సిక్సర్లు.. కుల్దీప్ స్పెషల్ ఫీట్:వికెట్ కీపర్ బ్యాటర్ సంజూ శాంసన్ అంతర్జాతీయ టీ20ల్లో 100 సిక్సర్ల క్లబ్‌లో చేరడానికి కేవలం 6 సిక్సర్ల దూరంలో ఉన్నాడు. మరోవైపు స్టార్ స్పిన్నర్ కుల్దీప్ యాదవ్ మరో 3 వికెట్లు పడగొడితే, టీ20 ఫార్మాట్‌లో భారత్ తరఫున అత్యంత వేగంగా 100 వికెట్లు తీసిన రెండో బౌలర్‌గా నిలుస్తాడు.

ఇషాన్ కిషన్ ముంగిట మైలురాళ్లు:ఇక యువ వికెట్ కీపర్ బ్యాటర్ ఇషాన్ కిషన్ ఈ మ్యాచ్‌లో 69 పరుగులు సాధిస్తే ఓవరాల్ టీ20 క్రికెట్‌లో 7500 పరుగుల మార్కును అందుకుంటాడు. కీలక రికార్డులు ఊరిస్తున్న వేళ భారత యువ ఆటగాళ్లు మైదానంలో ఎలాంటి ప్రదర్శన కనబరుస్తారోనని అభిమానులు ఎంతో ఆసక్తిగా ఎదురుచూస్తున్నారు.