ఏపీ డిప్యూటీ సీఎం జనసేన అధినేత పవన్ కళ్యాణ్ (Pawan Kalyan Divorce) మళ్లీ తన వివాహ బంధానికి ముగింపు పలికారు. ఆయన సతీమణి అన్నాలెజినోవాతో విడాకులు తీసుకుంటున్నట్లు అధికారికంగా ప్రకటించారు. దీంతో ఈ అంశం ఒక్కసారిగా పెను సంచలనం అవుతుంది. రాజకీయాల్లో ప్రత్యర్థుల విధానాలను విమర్శించడం వేరు, వ్యక్తిగత జీవితాలను లక్ష్యంగా చేసుకుని విమర్శల దాడికి దిగడం వేరు. కానీ ఏపీ రాజకీయాల్లో మాత్రం గత దశాబ్ద కాలంగా పవన్ కళ్యాణ్ వ్యక్తిగత బంధాలు ఎప్పుడూ ప్రధాన చర్చనీయాంశంగానే ఉంటూ వస్తున్నాయి. ఇక తాజాగా సోషల్ మీడియా వేదికల్లో, ముఖ్యంగా వాట్సాప్ గ్రూపుల్లో ఒక ప్రెస్‌నోట్ రూపంలో ఉన్న పవన్ విడాకుల లేఖ విపరీతంగా చక్కర్లు కొడుతోంది. తన మూడో భార్య అన్నా లెజ్నెవాతో విడిపోతున్నారని, పరస్పర అంగీకారంతోనే విడాకుల నిర్ణయం తీసుకున్నట్లు ఆ లెటర్‌లో సారాంశం ఉంది. దీంతో రాష్ట్ర రాజకీయాల్లో మళ్లీ పవన్ కళ్యాణ్ విడాకుల అంశం హాట్ టాపిక్‌గా మారింది. వైరల్ అవుతున్న ఆ లెటర్ వివరాల ప్రకారం.. తాము వైవాహిక బంధాన్ని ముగించుకుంటున్నప్పటికీ మంచి స్నేహితులుగా, పిల్లలకు బాధ్యతగల తల్లిదండ్రులుగా కొనసాగుతామని అందులో రాసి ఉంది. అయితే ఈ ప్రచారంపై జనసేన అధికారిక సోషల్ మీడియా విభాగాలు కానీ, పార్టీ లీగల్ సెల్ కానీ ఎలాంటి అధికారిక ధ్రువీకరణ ఇవ్వలేదు. గతంలో కూడా పలుమార్లు ఇటువంటి తప్పుడు లేఖలు, మార్ఫింగ్ ప్రెస్‌నోట్లు ఎన్నికల ముందు, కీలక రాజకీయ పరిణామాల సమయంలో బయటకు వచ్చిన సందర్భాలు ఉన్నాయి. అందువల్ల ఇది నిర్ధారిత వాస్తవమా లేక కేవలం ప్రచారమా అనేది తేలాల్సి ఉంది.

Pawan Kalyan Divorce ప్రచారాలు: గతంలోనూ వచ్చిన ఊహాగానాలు

పవన్ కళ్యాణ్, అన్నా లెజ్నెవ (Anna lezhneva) విడిపోతున్నారనే ఊహాగానాలు రావడం ఇదే మొదటిసారి కాదు. గతంలో వరుణ్ తేజ్ నిశ్చితార్థం, రామ్ చరణ్ కుమార్తె క్లీంకార బారసాల వేడుకలకు అన్నా లెజ్నెవ హాజరుకాకపోవడంతో మీడియాలో, నెట్టింట పెద్ద ఎత్తున చర్చ జరిగింది. ఆమె తన పిల్లలతో కలిసి రష్యాలో ఉంటున్నారని, పవన్‌తో విభేదాల వల్లే దూరంగా ఉంటున్నారని అప్పట్లో వార్తలు గుప్పుమన్నాయి. ఆ సమయంలో కూడా ఈ వ్యవహారం రాజకీయ విమర్శలకు దారితీసింది. కానీ ఆ తర్వాత జరిగిన కీలక పరిణామాలు ఆ ప్రచారాలకు తెరదించాయి. సార్వత్రిక ఎన్నికల ఫలితాలు వెలువడిన రోజున, పిఠాపురం నుంచి పవన్ భారీ మెజారిటీతో గెలుపొందిన అనంతరం ఆయన ఇంటికి చేరుకున్నప్పుడు అన్నా లెజ్నెవ స్వయంగా ఆయనకు హారతి పట్టి స్వాగతం పలికారు. అంతేకాకుండా నూతన ఎమ్మెల్యేలు, మంత్రుల ప్రమాణ స్వీకార మహోత్సవంలోనూ ఆమె మొదటి వరుసలో కూర్చుని కార్యక్రమాన్ని వీక్షించారు. అనంతరం ప్రధాని నరేంద్ర మోదీతో సహా ఢిల్లీలో జరిగిన ఎన్డీయే సమావేశాల్లోనూ పవన్‌తో కలిసి ఆమె కనిపించారు. ఇలాంటి వాస్తవాలు కళ్లముందు ఉండగానే, ఇప్పుడు హఠాత్తుగా మళ్లీ లెటర్ తెరపైకి రావడం వెనుక రాజకీయ కారణాలు ఉన్నాయా అనే అనుమానాలు వ్యక్తమవుతున్నాయి.

పవన్ కళ్యాణ్ తన వ్యక్తిగత జీవితం గురించి దాపరికం లేకుండా తన గత ఇంటర్వ్యూలలోనూ, బహిరంగ సభలలోనూ దీనిపై స్పష్టత ఇస్తూ వచ్చారు..

1997లో నందిని అనే మహిళతో పవన్ కళ్యాణ్‌కు మొదటి వివాహం జరిగింది. అయితే మనస్పర్థల కారణంగా కొన్నేళ్లకే వారి దాంపత్య జీవితంలో దూరం పెరిగింది. న్యాయస్థానం ద్వారా అధికారికంగా విడాకులు తీసుకుని, చట్టబద్ధమైన భరణం చెల్లించిన తర్వాతే ఆ బంధానికి ముగింపు పలికారు.
తరువాత తనతో కలిసి బద్రి, జానీ చిత్రాలలో నటించిన రేణు దేశాయ్‌ను 2009లో ఆయన వివాహం చేసుకున్నారు. వీరికి అకీరా నందన్, ఆద్య అనే ఇద్దరు పిల్లలు జన్మించారు. కొన్నేళ్ల సహజీవనం, దాంపత్యం అనంతరం 2012లో వీరిద్దరూ న్యాయస్థానం ద్వారా పరస్పర అంగీకారంతో విడాకులు తీసుకున్నారు. విడిపోయినప్పటికీ పిల్లల భవిష్యత్తు, బాధ్యతల విషయంలో ఇద్దరూ ఇప్పటికీ పరస్పర గౌరవంతో వ్యవహరిస్తున్నారు.
2011లో ‘తీన్‌మార్’ సినిమా షూటింగ్ సమయంలో రష్యాకు చెందిన అన్నా లెజ్నెవాతో పవన్‌కు పరిచయం ఏర్పడింది. అది కాస్తా పరిణయానికి దారితీసి 2013లో భారతీయ చట్టాల ప్రకారం వివాహం చేసుకున్నారు. వీరికి పొలెనా అంజనా, మార్క్ శంకర్ పవనోవిచ్ అనే ఇద్దరు పిల్లలు ఉన్నారు.

రాజకీయ అస్త్రంగా Pawan Kalyan Divorce

రాజకీయాల్లో విధానాలు, ప్రజా సమస్యలు, పాలనపై పోరాడటం ప్రజాస్వామ్య లక్షణం. కానీ ఆంధ్రప్రదేశ్ రాజకీయాల్లో పవన్ కళ్యాణ్‌ను లక్ష్యంగా చేసుకోవడానికి ప్రత్యర్థులు ఎప్పుడూ ఆయన వ్యక్తిగత జీవితాన్నే ఆయుధంగా మలచుకున్నారు. ‘మూడు పెళ్లిళ్లు చేసుకున్న వ్యక్తి’ అంటూ గత ఎన్నికల ప్రచార సభల్లో వైసీపీ అగ్రనేతలు పదేపదే విమర్శలు గుప్పించిన విషయం అందరికీ తెలిసిందే. సమాజానికి ఆయన ఏం సందేశం ఇస్తున్నారంటూ వ్యక్తిత్వ హననానికి (Character Assassination) పాల్పడిన సందర్భాలు ఉన్నాయి. అయితే ఈ విమర్శలకు పవన్ కళ్యాణ్ అప్పట్లోనే ఘాటుగా సమాధానమిచ్చారు. తాను చట్టవిరుద్ధంగా ఎవరినీ మోసం చేయలేదని, చట్టబద్ధంగా విడాకులు తీసుకుని, న్యాయస్థానాలు సూచించిన విధంగా సెటిల్మెంట్లు చేసుకున్న తర్వాతే మరొకరిని వివాహం చేసుకున్నానని స్పష్టం చేశారు. తనను వ్యక్తిగతంగా విమర్శించే నాయకులు తమ సొంత జీవితాల్లో నైతికతను నిరూపించుకోవాలని సవాలు విసిరారు. మహిళా సంఘాలు, న్యాయ నిపుణులు సైతం రెండు పరిపక్వ మనస్సులు కలవలేక న్యాయబద్ధంగా విడిపోవడం వ్యక్తిగత హక్కు అని, దానిని రాజకీయం చేయడం దిగజారుడుతనమని అభిప్రాయపడ్డారు.

Pawan Kalyan Divorce అంశం ప్రస్తుత పరిస్థితుల్లో ఎందుకు ప్రభావం చూపుతోంది?

గతంలో పవన్ కళ్యాణ్ కేవలం ఒక రాజకీయ పార్టీ అధ్యక్షుడు, సినిమా నటుడు మాత్రమే. కానీ నేడు ఆయన కేబినెట్ ర్యాంక్ కలిగిన రాష్ట్ర ఉప ముఖ్యమంత్రి, పంచాయతీరాజ్, గ్రామీణాభివృద్ధి, అటవీ, పర్యావరణ శాఖల మంత్రి. ప్రస్తుతం రాష్ట్రంలో కూటమి ప్రభుత్వం అధికారంలో ఉండి, పాలనాపరమైన సంస్కరణలు చేపడుతున్న తరుణంలో ఆయనపై వచ్చే ప్రతి చిన్న అంశం కూడా ప్రభుత్వ ప్రతిష్టతో ముడిపడి ఉంటుంది. స్థానిక సంస్థల ఎన్నికల ప్రక్రియ కొనసాగుతుండటం, రాజకీయ సమీకరణాలు వేడెక్కుతున్న నేపథ్యంలో ఇలాంటి సున్నితమైన అంశాలను బయటకు తేవడం ద్వారా ప్రజల దృష్టిని మళ్లించే ప్రయత్నాలు జరుగుతుంటాయి. పవన్ కళ్యాణ్ సంయమనం పాటిస్తూ ప్రజా సమస్యలపై దృష్టి పెడుతున్న సమయంలో ఆయన మానసిక స్థైర్యాన్ని దెబ్బతీయడానికి ఇలాంటి వదంతులు సృష్టిస్తున్నారా అనే అనుమానాలను జనసేన వర్గాలు వ్యక్తం చేస్తున్నాయి.

ఏది ఏమైనాప్పటికీ పవన్ కళ్యాణ్ విడాకులు అంశం మరోసారి తెరపైకి రావడంతో ఆయన అభిమానుల్లోనూ జనసేన సంఘాల్లోనూ కొంత అసహనం మొదలైంది.. మరి ఇది నిజమేనా లేక రూమర్స అనేది తేలాల్సి ఉంది.